Линктер

ЧУКУЛ КАБАР!
19-Январь, 2021 шейшемби, Бишкек убактысы 05:42

Коронавирус кризисинде Кыргызстанда ар бир кожолукта бери дегенде бир адам жумушсуз калды


Ош шаарында тартылган сүрөт. 2020-жыл, июнь.

Кыргызстанда коронавирус кризисинде ар бир кожолукта бери дегенде бир адам жумушсуз калды. Бул тууралуу Улуттук статистика комитетинин баяндамасында айтылат.

Мекеменин адистери «Азаттыкка» билдиришкендей, COVID-19 пандемиясынын шартында элдин жашоо-турмушуна изилдөө 2020-жылдын 15-октябрынан 15-ноябрга чейин жүргүзүлдү.

Тыянакка ылайык, кожолуктардын 66% жакынында мүчөлөр коронавирустан улам депрессияга кабылып, стресс болуп, кооптонуу шартында жашоодо.

Мындай кожолуктардын көп үлүшү Ош шаарында (98,1%), Ош облусунда (88,2%), Жалал-Абад облусунда (80,5%) жана Талас облусунда (77,7%) жана Бишкек шаарында (77,2%) байкалган.

P.S.: Кожолук үй-бүлө дегенди түшүндүрбөйт. Кожолук – бул бирге жашаган, кирешелерин жана мүлкүн (толук же жарым-жартылай) бириктирген жана негизинен, турак-жай, тамак-аш азыктарын камтыган, товарлар менен тейлөөлөрдүн аныкталган түрлөрүн бирге пайдаланган адамдар тобу. Кожолук бир адамдан турушу да мүмкүн. Улуттук статистика комитети баяндамада кожолук дегенди «үй чарбаСЫ» деп колдонгон. (SE)

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG