Талас облусунун Кызыл-Адыр айылындагы тамактануучу жайда 4-январда газ баллон жарылып, 11 адам ооруканага түштү. Алар Кара-Буура райондук ооруканасында экенин Өзгөчө кырдаалдар министрлигинин басма сөз кызматы маалымдады.
Интернет булактарына газ баллон жарылганын бышыктаган сүрөттөр чыкты. Өрт кечки саат бешке жакын өчүрүлгөн.
Кырсыктын чоо-жайы так эмес, себеби иликтенүүдө.
Былтыр июнь айында Бишкек шаарында дагы бир тамактануучу жайда газ баллон жарылып, бир адам мерт болгон. (SE)