Линктер

ЧУКУЛ КАБАР!
18-Июнь, 2024-жыл, шейшемби, Бишкек убактысы 02:24

БШК: Президенттикке талапкерлердин эсебине жалпысынан 114 миллион сом чогулду


Иллюстрациялык сүрөт.
Иллюстрациялык сүрөт.

Кыргызстанда президенттикке ат салышып жаткан талапкерлердин шайлоо эсебине жалпысынан 114 миллион сом чогулуп, анын 105 миллиону сарпталды. Бул тууралуу 4-январда Борбордук шайлоо комиссиясы (БШК) кабарлады.

Мекеменин 31-декабрга карата маалыматына караганда, эң көп каражат талапкер Садыр Жапаровдун эсебине чогулду. Ал 62 миллион сомдун 57 миллионун сарптады.

Эң аз каражат талапкер Арстанбек Мыктыбекте. Ал 1 миллион 117 миң сомдун 1 миллион 115 миңин коротту.

Былтыр октябрь айында Кыргызстанда бийлик алмашып, алты жылдык президенттик мөөнөтүнүн жарымын өтөгөн Сооронбай Жээнбеков кызматын тапшырып берген. Мөөнөтүнөн мурда президенттик шайлоо 10-январда өтөт.

Президенттикке аттанарын 65 адам билдирген. Алардын 18и талапкер болуп расмий катталып, бирөө кийин жарыштан өз каалоосу менен чыккан.(RK)

XS
SM
MD
LG