Линктер

ЧУКУЛ КАБАР!
21-Январь, 2021 бейшемби, Бишкек убактысы 21:17

«Жалпы иш»: Айрым талапкерлер добуш сатып алып, административдик ресурс колдонуп жатышат


Президенттикке ат салышып жаткан талапкерлердин айрымдары шайлоочулардын добушун сатып алып, аларга кысым көрсөтүп, административдик ресурс колдонуп жатышат. Бул тууралуу 5-январда Бишкекте өткөн басма сөз жыйынында «Жалпы иш» коомдук фондунун өкүлдөрү билдиришти.

Фонддун координатору Арсланбек Өмүрзаковдун айтымында, 25-октябрдан 28-декабрга чейин байкоо жүргүзүлүп, 53 мыйзам бузуу катталды.

«Шайлоочулардын добушун сатып алуу, андан тышкары басым жасалып жатканы тууралуу арыздар келип түшүүдө», - деди ал.

Фонддун маалыматына караганда, 53 фактынын 31и административдик ресурсту колдонууга, 15и добуштарды сатып алууга жана жетөө басым көрсөтүүгө байланыштуу. Айрымдары боюнча арыздар Борбордук шайлоо комиссиясынан координациялык тобуна жөнөтүлдү.

10-январда Кыргызстанда мөөнөтүнөн мурда президенттик шайлоо жана мамлекеттик башкаруу формасын аныктоо боюнча референдум өткөнү жатат. Президенттик кызматка 17 талапкер ат салышууда. (RK)

Пикирлерди көрүңүз (10)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG