Линктер

ЧУКУЛ КАБАР!
20-Январь, 2021 шаршемби, Бишкек убактысы 09:51

Армениянын президентинен коронавирус табылды


Армен Саркисян.

Армениянын президенти Армен Саркисян коронавирус жугузуп алды. 67 жаштагы президенттен вирус британ баш калаасы Лондонго барган учурда аныкталган. Саркисян Лондонго бутуна операция жасатканы барган.

Негизинен церемониалдык укуктарга ээ болгон армян президенти учурда обочолонуп иштеп жатканы кабарланды.

Кийинки убакта Британияда коронавирус жуккандар кескин көбөйдү. Бул өлкөдө вирустун мутацияланган түрү аныкталган соң бир катар өлкөлөр аба каттамдарын убактылуу токтоткон.

Британ премьер-министри Борис Жонсон 4-январдан тартып өлкөдө жалпы элдик карантин жарыялап, чектөөлөрдү күчөттү.

Буга чейин Армениянын премьер-министри Никол Пашинян да коронавирус менен ооруп айыккан. Учурда Арменияда 160 миңден ашык адам вирус жугузуп алганы аныкталса, 2800ден ашыгы каза болду.

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG