Линктер

ЧУКУЛ КАБАР!
22-Январь, 2021 жума, Бишкек убактысы 22:20

Дүйнө лидерлери биотүрдүүлүктү коргоого чакырышты


Иллюстрациялык сүрөт.

Дүйнө лидерлери 11-январда Парижде өткөн «Бир планета» саммитинде жер бетиндеги биотүрдүүлүктү коргоого үндөштү. Анын алкагында өнүккөн мамлекеттер жана эл аралык банктар алдыдагы төрт жыл ичинде «Улуу жашыл дубал» курууга 14,32 миллиард доллар бөлүп берүүгө макул болушту. Аталган дубал Африканын түндүгүндөгү Сахел аймагын чөлгө айланып кетишинен коргоого багытталган.

Сахара чөлүнүн аянтынын өсүшү анын тегерек-четинде жашагандарды жакырчылыкка алып келип, ал жактан көчүп кетүүгө аргасыз кылууда.

Жаңы долбоор Атлантика океанынан Кызыл деңизге чейинки 8000 чакырымдай аймакты камтыйт. Демилгечилердин айтымында, ал аймакты жашылдандырып, туруктуу экосистемаларды түзүү каралган.

Виртуалдык жыйынды Франциянын президенти Эммануэл Макрон жетектеди. Ага Бириккен Улуттар Уюмунун баш катчысы Антонио Гутерриш жана Европа борбордук банкынын президенти Кристин Лагард жана башка лидерлер катышты.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG