Линктер

ЧУКУЛ КАБАР!
7-Март, 2021 жекшемби, Бишкек убактысы 17:37

Түндүк Корея «эң кубаттуу курал-жарагын» көрсөттү


Түндүк Корея Пхеньянда өткөн аскердик парадда суу алдындагы кемелер үчүн жасалган баллистикалык ракетаны эл алдында алып чыкты. Мамлекеттик маалымат каражаттары бул ракетаны «дүйнөдөгү эң кубаттуу курал-жарак» катары мүнөздөштү.

«Reuters» агенттиги түндүк кореялык маалымат каражаттары жарыялаган кадрларга таянып, «Пуккыксон-5» ракетасы жөнүндө сөз болуп жатышы мүмкүн экенин жазып чыкты. Бул былтыркы парадда көрсөтүлгөн курал-жарактын жаңыртылган версиясы.

Түндүк Кореянын лидери Ким Чен Ын катышкан парадда курал-жарактын бир нече түрү көрсөтүлдү. Бул аскердик жүрүшү Кореянын Эмгек партиясынын VIII жыйналышынын алкагында өткөрүлдү. Өткөн жумада жыйында сүйлөп жатып Ким Чен Ын өлкөнүн өзөктүк жана аскердик потенциалын өнүктүрөрүн билдирди.

Ал АКШны ким башкарса да аны Түндүк Кореянын эң башкы душманы деп атады.

Пхеньяндагы кезектеги аскердик парад АКШда шайланган президент Жо Байден кызматка кирерге бир жумага калганда өттү. Кызматтан кетип жаткан президент Дональд Трамп Ким Чен Ын менен эки ирет жолугуп, ал кездешүүлөр жыйынтыксыз аяктаган.

Пикирлерди көрүңүз (11)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG