Линктер

ЧУКУЛ КАБАР!
1-Август, 2021 жекшемби, Бишкек убактысы 14:01

Москвада Коррупцияга каршы күрөш фондунун юристтери кармалды


Любовь Соболь.

Москвада Коррупцияга каршы күрөш фондунун юристтери Любовь Соболь жана Владлен Лось кармалды. Соболдун адвокатынын айтымында, аны «Донское» милиция бөлүмүнө жеткирилди. Ага карата 23-январда нааразылык акциясына чакырык кылганы үчүн протокол толтурулуп жатат.

Ага чейин юрист Владлен Лось кармалган. Ал «Твиттерге» жазгандай, 25-январга чейин Орусиянын аймагынан чыгып кетүү боюнча эскертүү тапшырылган. Лось Беларустун жараны.

«Мага 25-январга чейин Орусиядан чыгып кетүү боюнча эскертүү беришти. Милиция бөлүмүнөн коё бербей жатышат», - деп жазды ал.

Алексей Навальныйдын тарапташтары 23-январда Орусиянын бир нече шаарларында нааразылык акцияларды өткөргөнү жатышат. Оппозиционерди камакка алууга каршы акцияга кошулууга чакырган билдирүүлөр социалдык тармактарда жарыяланып, ага бир катар белгилүү адамдар кошулууда.

Коррупцияга каршы күрөш фондун Алексей Навальный негиздеген. Фонддун кызматкерлери орус бийлигиндеги бир нече адамдардын мыйзамсыз иштерин ашкере кылган журналисттик иликтөөлөрдү уюштуруп келет.

33 жаштагы Любовь Соболь - Алексей Навальныйдын көрүнүктүү үзөңгүлөштөрүнүн бири. Ал Коррупцияга каршы күрөш фондунун юристи катары Орусиядагы жогорку жетекчилердин мыйзамсыз байлыгын ашкере кылган иликтөөлөргө катышкан.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG