Линктер

ЧУКУЛ КАБАР!
1-Август, 2021 жекшемби, Бишкек убактысы 00:19

Сот Сооронкулованын БШК боюнча арызын канааттандыруудан баш тартты


Иллюстрациялык сүрөт.

Бишкектин Административдик соту президенттик шайлоого катышкан талапкерлердин бири, Конституциялык палатанын мурдагы судьясы Клара Сооронкулованын Борбордук шайлоо комиссиясына (Боршайком) каршы арызын канааттандыруудан баш тартты. Иш бүгүн, 23-январда каралды.

Сооронкулова мындай чечимге макул эместигин айтууда:

"Жогорку сотко кайрылабыз. Кандай болбосун, аягына чыгарышыбыз керек".

Сооронкулова сотко БШКнын «Кыргыз Республикасынын президентин мөөнөтүнөн мурда шайлоонун натыйжасын аныктоо жөнүндө» токтомун мыйзамсыз деп табууну суранып кайрылган. Анын айтымында, БШК Садыр Жапаровдун соттуулугу болгондуктан аны өлкөдөгү эң жогорку мамлекеттик кызматка талапкер катары каттабашы керек эле жана Жогорку соттун чечими кайра кароого жатпайт болчу.

Жогорку соттун басма сөз кызматы Жапаров акталганын 20-октябрда кабарлаган.

17 талапкер катышкан президенттик шайлоодо Жапаров шайлоочулардын 80% жакын добушун алып, жеңишке жеткенин БШК 21-январда расмий жарыялаган.

Шайлоонун эртеси Жапаров аны менен кошо ат салышкан атаандаштарынын саясий салмагын, кадыр-баркын, тажрыйбасын жогору баалай турганын айтып, аларды кызматташууга чакырган. (RK)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG