Линктер

ЧУКУЛ КАБАР!
4-Август, 2021 шаршемби, Бишкек убактысы 21:20

Артем Новиков: Пенсия жана жөлөкпул өз маалында төлөнүп жатат


Артем Новиков.

Кыргыз өкмөтү мамлекеттик казынадан каржылануучу социалдык төлөмдөрдүн баарын өз маалында төлөп жатат. Бул тууралуу 22-январда премьер-министрдин милдетин аткаруучу Артем Новиков өкмөттүн жыйынында билдирди.

Анын айтымында, январь айынын бардык социалдык төлөмдөрү, пенсия жана жөлөкпул график боюнча, эч кармалбастан төлөнүүдө.

Новиков өкмөт 2020-жылдагы каржылык жана экономикалык проблемалардан сабак алып, бюджеттик саясаттын жаңы концепциясын иштеп чыгарын айтты.

Былтыр 25-ноябрда өкмөт бюджетте акча тартыш болгондуктан пенсия, айлык жана башка социалдык төлөмдөрдү мамлекеттен эмес, сырттан келген карыз акчадан төлөп берип жатканын моюнга алган.

25-декабрда Орусия Кыргызстанга 20 миллион доллар берип жатканы, бул акча бюджеттик мекемелерде иштегендердин айлык акысына, пенсияга жана аз камсыз болгон үй-бүлөлөргө, саламаттык сактоо системасын каржылоого жумшалары айтылган.

Айрым талдоочулар Кыргызстанда январь айында пенсия-айлык төлөнбөй калышы ыктымалдыгын билдиришкен. (RK)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG