Линктер

ЧУКУЛ КАБАР!
25-Февраль, 2021 бейшемби, Бишкек убактысы 23:12

5-6-октябрда жарадар болгондор Сооронбай Жээнбековду жоопко тартууну талап кылышууда


Ала-Тоо аянты.

4-октябрдагы парламенттик шайлоодон кийин келип чыккан 5-6-октябрдагы башаламандыкта Ала-Тоо аянтында жарадар болгон 80ден ашуун адам экс-президент Сооронбай Жээнбековду жоопко тартууну өтүнүп Башкы прокуратурага арыз менен кайрылды.

Кайрылууда: «5-октябрдагы тынчтык митингине чыккандарга карата күч колдонулду, желим октор атылып, көздөн жаш агызуучу газ чачылды. Ондогон адамдар денесинен оор жаракат алып, 19 жаштагы Үмүтбек Алтынбек уулу көз жумду. Биздин оюбузча тынч элге карата күч колдонууга ошол кезде армияны, өлкөнү башкарып турган Сооронбай Жээнбеков буйрук берген. Оор кылмыш жасалып, адамдар майып болуп, бир адам өлгөнүнө карабай, эч ким жоопкерчиликке тартылбай жатат. Ушундан улам Сооронбай Жээнбековго карата токтоосуз кылмыш ишин ачууну суранабыз», деп жазышкан.

Кайрылууга кол койгондордун бири Дастан Кубанычбек уулу өкмөт башчынын милдетин аткарып жаткан Артем Новиковго да кат жолдонгонун «Азаттыкка» айтты.

Башкы прокуратура жана өкмөт аппараты бул кайрылууга байланыштуу комментарий бере элек.

Бишкекте 2020-жылдын 5-6-октябрында болгон башаламандык маалында 1 221 адам жабыркап, жүздөй киши ооруканага түшкөн.

Ондогон адамдардын көзү, башка органдары катуу жабыркаган. 19 жаштагы Үмүтбек Алтынбек уулу көз жумган.

2017-жылдан бери президент болуп келаткан Сооронбай Жээнбеков 16-октябрда кызматын өз каалоосу менен өткөрүп берген.

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG