Линктер

ЧУКУЛ КАБАР!
17-Сентябрь, 2021 жума, Бишкек убактысы 06:50

Тихановская Евробиримдик менен АКШны «күчтүү жана эрктүү болууга» чакырды


Беларус оппозициясынын лидери Светлана Тихановская. 22-январь, 2021-жыл.

Беларус оппозициясынын лидери Светлана Тихановская Александр Лукашенконун бийлигине чекит коюш үчүн жардам берүүдө АКШ менен Евробиримдикти «күчтүү жана эрктүү болууга» чакырды.

27-январда Евробиримдикке мүчө айрым мамлекеттердин тышкы иштер министрлери менен өткөн онлайн-жыйында Тихановская шаркетти Лукашенкого жана анын тарапташтарына санкциянын төртүнчү бөлүгүн киргизүүнү тездетүүгө чакырды. Ал ошондой эле адам укуктарынын бузулушун эл аралык иликтөөгө, күнөөлүүлөрдү террористтерге теңөөгө үндөдү.

Беларустагы толкундоо былтыр августтагы президенттик шайлоодон кийин башталган. Анда 1994-жылдан бери мамлекетти башкарып келаткан Александр Лукашенко кайрадан жеңгенине нааразы болгон оппозиция өкүлдөрү жана алардын тарапташтары нааразылык акцияларына чыгышкан. Тартип коргоочулар демонстранттарды күч менен тарткатышкан. Бир нече адам каза болгон. Тихановская баш болгон бир катар оппозициячылар өлкөдөн чыгып кетишкен.

Лукашенко адам укуктарынын бузулганын четке кагып, оппозиция менен сүйлөшүүгө жана жаңы шайлоо өткөрүүгө макул болбой келет.

Евробиримдик, АКШ, Канада жана башка мамлекеттер 66 жаштагы Лукашенкону Беларустун мыйзамдуу лидери катары таануудан баш тартышкан.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG