Линктер

ЧУКУЛ КАБАР!
21-Сентябрь, 2021 шейшемби, Бишкек убактысы 23:36

Орусия Өзөктүк куралды көзөмөлдөө келишимин узартууну жактырды


Иллюстрациялык сүрөт.

27-январда Мамлекеттик Дума Өзөктүк куралды көзөмөлдөө тууралуу келишимди беш жылга узартууну жактырды.

Бир күн мурда АКШ менен Орусия лидерлери телефон аркылуу сүйлөшүп, келишимди узартууну макулдашкан.

2010-жылы кол коюлган жана ушул айда мөөнөтү аяктай турган «Жаңы СТАРТ (Стратегиялык куралдарды кыскартуу келишими)» деп аталган келишимге ылайык тараптар алыс аралыкка учуучу ракеталардын өзөктүк дүрмөттөрүн ар бири 1 550 даанадан ашырбоого тийиш. Ал 1994-жылы күчүнө кирген СТАРТ келишиминин ордуна түзүлгөн болчу.

Былтыр АКШнын мурунку президенти Дональд Трамптын администрациясы Советтер Союзу менен 1987-жылы кол коюлган Орто аралыктагы өзөктүк күчтөр тууралуу келишимден чыгып кеткен. Андан соң Вашингтон 35 мамлекетке бири-биринин аймагына көзөмөл жүргүзүүчү учактарды жөнөтүүгө мүмкүнчүлүк берген «Ачык асман келишиминен» чыкканын жарыялаган. Ушундан улам Өзөктүк куралды көзөмөлдөө боюнча келишимдин узартылышын Европадагы АКШнын өнөктөштөрү кубатташы күтүлүп жатат.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG