Линктер

ЧУКУЛ КАБАР!
24-Сентябрь, 2021 жума, Бишкек убактысы 12:38

Мьянмада аскердик төңкөрүш болду


Мьянма, 1-февраль, 2021-жыл.

Куралдуу күчтөр бир жылга чукул кырдаал жарыялап, бийликти армиянын башчысына өткөрүп беришти. Маалыматтарга караганда байланыш үзүлүп, өкмөттүк теле жана радио чыкпай калды.

Аскерлер жогорку жетекчилерди кармаганын билдиришти. Анын ичинде Мьянманын иш жүзүндөгү лидери, бийликтеги «Демократия үчүн улуттук лиганын» башчысы Ауң Сан Су Чжи, президент Вин Мьин бар.

Армия өкүлдөрү камакка алуу былтыр ноябрда болгон парламенттик шайлоонун бурмаланышына жооп экенин билдиришти. Шайлоодо Ауң Сан Су Чжинин партиясы парламентте 396 орун алып, кабинет түзүү укугун алган. Ал эми Куралдуу күчтөр колдогон саясий блок 33 мандатка ээ болгон.

Маалыматтарга караганда аскерлер жаңы шайлоо өткөрүш керек экенин айтышууда.

БУУнун баш катчысы Антониу Гутерриш Мьянманын жетекчилигинин кармалышын айыптап, элдин эркин урматтоого чакырды.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG