Линктер

ЧУКУЛ КАБАР!
23-Сентябрь, 2021 бейшемби, Бишкек убактысы 09:57

Кыйноого кабылганын БУУ комитети тааныган кыргыз жараны сотко кайрылат


Курманбек Чыныбеков.

Милициянын кыйноосуна кабылганын Бириккен Улуттар Уюмунун (БУУ) адам укуктары боюнча комитети тааныган кыргызстандык жарандын адвокаты сотко кайрылганы жатат. Ал соттон ишин кайра карап чыгууну жана кенемте төлөтүп берүүнү суранмакчы. Бул тууралуу 2-февралда «Азаттык» радиосуна адвокат Өткүрбек Жаббаров билдирди:

"Кыйноо фактысы боюнча ишти жандандыруу маселеси. Экинчиден, компенсация боюнча ИИМди жана Каржы министрлигин сотко беребиз. Аксы райондук сотуна кайрылабыз".

дун маалыматына караганда, Курманбек Чыныбеков 2007-жылы мал уурулук үчүн соттолгон. Бирок кийин ал Жалал-Абад облусунун Аксы районунун кызматкерлери айыпты моюнуна алдырыш үчүн мыкаачылык менен кыйнашканын айтып чыккан жана прокурордон милиционерлерди жоопко тартууну өтүнгөн. Прокуратура милиционерлерге карата иш козгоодон баш тартып, соттор да прокурорду колдошкон.

Былтыр декабрь айында БУУнун комитети 40 жаштагы Чыныбековго карата кыйноо колдонулганын тааныган.

Жактоочулардын айтымында, ал милиционерлердин ур-токмогунан кийинки жаракатынан улам операция болуп, төрт омуртка сөөгүн алдырууга мажбур болду, өз алдынча баса албагандыктан, азыр майыптардын арабасы менен жүрөт.

2011-жылы негизделген «Кыйноого каршы коалиция» уюмунун курамында 13 укук коргоо уюму бар. Жалпысынан бул коалицияга 322 арыз түшкөн, анын 240 арызы боюнча териштирүү башталган, 15 кылмыш иши козголгон.

Укук коргоочулардын айтымында, Кыргызстанда кыйноо фактылары негизинен кылмышка шектүү адам жаңы кармалганда, милиция бөлүмүндө катталат. Ички иштер министрлиги (ИИМ) мындай окуялар бар экенин, кызматкерлер арасында түшүндүрүү иштери жүрүп турарын билдирип келет. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG