Линктер

ЧУКУЛ КАБАР!
21-Сентябрь, 2021 шейшемби, Бишкек убактысы 06:23

«Lancet» орусиялык «Спутник V» вакцинасын изилдөөнүн жыйынтыгын жарыялады


Иллюстрациялык сүрөт.

Британиялык абройлуу «Lancet» илимий журналы орусиялык «Спутник V» вакцинасын изилдөөнүн үчүнчү баскычынын баштапкы жыйынтыгын жарыялады. Макалада препарат коронавирустан 91,6% коргой алары айтылат. Эмдөө 21 күн аралыгында эки этапта жүргөн. Изилдөөгө 19 866 ыктыярчы катышкан. Анын жүрүшүндө төрт катышуучу каза болгон. Үчөөнө вакцина сайылган, төртүнчүсү плацебо тобунда болчу. Бирок адистер алардын өлүмүн «Спутник V» менен байланыштырышпайт. 45 киши дарынын кесепетине даттанышкан. Бул 0,3% түзөт.

Вакцина сыноонун толук жыйынтыгы жарыялана электе катталган. Бул жараян саясий билдирүүлөр менен коштолгондуктан бир топ эксперттер менен илимий чөйрөнүн өкүлдөрү натыйжалуулугунан күмөн санап келишкен.

Орусияда жапырт эмдөө жарыяланганы менен айрым аймактарда препарат тартыш экенин айтып арызданып жатышат. Андан тышкары орусиялык вакцина Аргентинада сайылып жатат.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG