Линктер

ЧУКУЛ КАБАР!
19-Сентябрь, 2021 жекшемби, Бишкек убактысы 22:17

Нарында жергиликтүү тургунду көчөдө атып кетишти


Нарындын кире бериши.

Нарын шаарында 6-февралда жергиликтүү тургунду көчөдө атып кетишти. Айрым маалымат булактары, ок тийген тургун мурда соттолгонун, уюшма кылмыштуу топтун өкүлү болушу мүмкүндүгүн жазышты.

Облустук Ички иштер башкармалыгынын басма сөз кызматы билдиргендей, окуя кечки саат тогузга жакын болгон.

Көчөдө жеңил автоунаада отурган кишини башка машинедеги белгисиз адам бир канча жолу аткан. Моюнунун сол жагына ок тийген 31 жаштагы жергиликтүү тургун ооруканага жетпей көз жумган. Милиция кылмышка шектүү изин суутканын, издөө жүрүп жатканын билдирди. Өлгөн адамдын криминалга тиешеси бар-жогу расмий айтыла элек.

Кыргызстандын мыйзамдарына ылайык, уюшкан кылмыш топторго карата Жазык кодексинин 248-249-беренелери - «Уюшкан топ түзүү же ага катышуу», «Кылмыштуу топ түзүү же ага катышуу» беренелери колдонулат.

Өлкөдө криминалдын таасири күчөп кеткенин, ал тургай саясатка да аралашканы айтылып, бул маселе парламентте да көтөрүлүп келүүдө. (SE\BsB)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG