Линктер

ЧУКУЛ КАБАР!
17-Сентябрь, 2021 жума, Бишкек убактысы 04:48

ТИМ: Кыргызстан Садыр Жапаровдун Орусияга сапарына олуттуу маани берет


Тышкы иштер министри Руслан Казакбаев Орусиянын Кыргызстандагы элчиси Николай Удовиченкону кабыл алды.

Кыргызстан президент Садыр Жапаровдун Орусияга пландалып жаткан сапарына олуттуу маани берет. Бул тууралуу 9-февралда Тышкы иштер министрлигинин басма сөз кызматы кабарлады.

Мекеменин маалыматына караганда, министр Руслан Казакбаев Орусиянын Кыргызстандагы элчиси Николай Удовиченкону кабыл алып, сапарга даярдыкты талкуулады. Президенттин Орусияга сапары кыргыз-орус мамилелерине кошумча дем берип, стратегиялык өнөктөштүктү өнүктүрүү үчүн натыйжалуу саясий негиз болорун айтты.

Казакбаевдин белгилешинче, кыргыз тарап бул сапар учурунда экономика, айыл чарбасы, соода-сатык, энергетика, кен иштетүү жана өнөр жай кооперациясы багыттары боюнча маселелер талкууланарына үмүттөнүп жатат.

Садыр Жапаровдун президент катары алгачкы расмий сапары Казакстандан башталарын кошуна өлкөнүн президентинин расмий сайты 11-январда жазган.

26-январда президенттин басма сөз катчысы Галина Байтерек мамлекет башчы Садыр Жапаров чет өлкөдөгү алгачкы иш сапарын Орусия Федерациясында өткөрөрүн билдирген.

Сапардын так датасы азырынча айтыла элек. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG