Линктер

ЧУКУЛ КАБАР!
21-Сентябрь, 2021 шейшемби, Бишкек убактысы 15:13

Дин иштери боюнча мамлекеттик комиссиясынын директору алмашты


Акин Токталиев (солдо). Медер Карабаев (оңдо)

Президент Садыр Жапаров 9-февралда койгон жарлыктарга ылайык Дин иштери боюнча мамлекеттик комиссиясынын (ДИМК) директору Акин Токталиев кызматынан бошотулуп, ордуна Медер Карабаев дайындалды. Бул тууралуу президенттик аппарат кабарлады.

Акин Токталиев бул кызматка 2020-жылдын 13-ноябрда Садыр Жапаров өкмөт башчы болуп, президенттин милдетин аткарып турган учурда бекилген. Токталиев мурда Жапаровдун жактоочусу болгондон улам бул дайындоо кезинде сын-пикирлерди жараткан.

Дин иштери боюнча мамлекеттик комиссиянын эмгек жамааты жаңы жетекчи менен иштешүүдөн баш тарткан. Жамаат өз талаптары жазылган кайрылууну өлкө жетекчилигине жөнөтүп, жаңы директор иштешүүгө каршы болушун анын өзүнүн ашкере динчил экендиги менен түшүндүрүшкөн.

Медер Карабаев буга чейин Ички иштер министрлигинин Экстремизмге жана мыйзамсыз миграцияга каршы аракеттенүү боюнча кызматында эксперт болуп иштеген. Ачык булактарда ал теолог жана дин изилдөөчү экени көрсөтүлгөн. (ErN)

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG