Линктер

ЧУКУЛ КАБАР!
21-Сентябрь, 2021 шейшемби, Бишкек убактысы 19:21

Өзбекстан эки жылда толугу менен латын алфавитине өтөт


Иллюстрациялык сүрөт

Өзбекстандын өкмөтү ырасмий кагаздарды жана маалымат каражаттарын толугу менен латын алфавитине өткөрүү тууралуу токтом кабыл алды. Бул талап 2023-жылдын башынан тарта күчүнө кирет.

1940-жылдардан бери өзбек тили үчүн ырасмий колдонулган кирил жазмасынан латын арибине өтүү коңшу мамлекетте 1993-жылы эле пландалган.

Ага ылайык 2000-жылга чейин бул алфавитке кайрадан өтүү каралган. (Өзбекстанда 1928-1940-жылдары өзбек жана башка тектеш түрк тилдери үчүн латын алфавити ырасмий колдонулуп келген болчу).

Бирок бул план создугуп, учурда эки алфавит тең бирдей колдонулуп келет.

Былтыр октябрда президент Шавкат Мирзиёев өкмөткө толугу менен латын арибине өтүү планын даярдоону тапшырган.

2017-жылы Казакстан латын арибине өтүү аракетине киришкен. Казакстан 2025-жылга чейин латын алфавитине толук өтөөрү күтүлүүдө.

Кыргызстанда латын алфавитине өтүү демилгесин окумуштуулар сунуштап келет, бирок жогорку деңгээлде ал идея четке кагылууда.

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG