Линктер

ЧУКУЛ КАБАР!
2-Март, 2021 шейшемби, Бишкек убактысы 22:36

"Кыргызкөмүр": Кара-Кечеге машиналарды кезексиз өткөргөндөр боюнча териштирүү башталды


Кара-Кече (Архивдик сүрөт).

“Кыргызкөмүр” ишканасы Кара-Кече кенинен Бишкектин Жылуулук электр борборуна (ЖЭБ) көмүр ташыган айдоочуларды көмүр кесимине кезексиз өткөргөн күзөт кызматкерлери боюнча териштирүү жүрүп жатат. Бул тууралуу 15-февралда “Азаттык” радиосуна ишкананын басма сөз катчысы Жийде Зоотбекова билдирди.

Анын айтымында, кезек күтүү тартип жана коопсуздук үчүн орчундуу маселе болуп эсептелет, бирок, ошого карабастан 15-январга караган түнү иштеген беш күзөтчү 25 автомашинаны “билип туруп кезексиз өткөрүп жиберген”:

“Себеби көмүр ташыган айдоочулар ал жакта суткалап күтүшөт. Бирок, айта кетсек, буга чейин айдоочулар айлап күткөн учурлар катталган болсо, азыр үч-төрт күн күтүшөт. Кээде кезек күтүүнүн айынан ич ара пикир келишпестик, чыр-чатак чыгып кетет. Ошондой көрүнүштөрдү болтурбоо үчүн чара көрүлүүдө”.

Күзөт кызматкерлеринин күнөөсү далилденсе аларга чара көрүлөрү, зарыл болсо иштен алынары айтылды.

Бишкек ЖЭБи Казакстандын жана Нарындагы Кара-Кече кенинин көмүрү менен камсыздалат. Кара-Кечеден көмүрдү ЖЭБ менен келишимдин негизинде иштеген жеке ишканалардын айдоочулары ташыйт. (RK)

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG