Линктер

ЧУКУЛ КАБАР!
23-Сентябрь, 2021 бейшемби, Бишкек убактысы 16:00

Түркиянын элчиси Женгиз Фыраттын дипломатиялык миссиясы аяктады


Женгиз Фырат.

Түркиянын Кыргызстандагы толук ыйгарым укуктуу элчиси Женгиз Фыраттын Бишкектеги дипломатиялык миссиясы аяктоодо.

25-февралда аны премьер-министр Улукбек Марипов кабыл алып, элчи менен эки тараптуу кызматташтык маселелери талкууланды.

Өкмөттүн басма сөз кызматы кабарлагандай, Кыргызстанда өтө турган өкмөттөр аралык комиссиянын кезектеги жыйынына, анын алкагында боло турган бизнес-форумга даярдык, соода-сатык, тоо кен, транспорт, билим берүү, саламаттык сактоо, маданият жана спорт тармактарындагы мамиле тууралуу сөз болду.

Премьер-министр элчинин мындан аркы ишине ийгилик каалады.

Женгиз Фырат Түркиянын Кыргызстандагы ыйгарым укуктуу элчиси болуп 2018-жылы дайындалган. Дипломатиялык ишмердүүлүгү учурунда анын аты жалпыга маалымдоо каражаттарында бир нече окуяга байланыштуу аталып, коомчулукта талкуу жараткан.

2019-жылы элчи Кыргызстандын мурдагы тышкы иштер министри Аскар Айтматов менен Интернет аркылуу кайым айтышкан. Ошол эле жылы элчинин Орозо маалында уюштурулган ооз ачуу иш-чарасынан кетип калышы тууралуу видео тарап, кийин Кыргызстан бул окуя кыргыз-түрк мамилесине залакасын тийгизбей турганын билдирген.

2020-жылы бишкектик ишкер аял элчини «соода борборун тартып алууга аракет кылып жатат» деп айыптаганда Фыраттын тарапташтары мындай айыптоо негизсиз экенин билдиришкен. (RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG