Түркиянын чыгышындагы Битлис провинциясында бейшембиде тик учак кулап, 11 аскер мерт болду, дагы үч адам жаракат алды. Каза болгондордун арасында генерал Осмон Эрбаш да бар. Ал аскерлердин сегизинчи корпусун жетектечү.
Баштапкы версия боюнча, кырсыкка катаал аба ырайы же тик учактагы техникалык маселе себеп болушу мүмкүн.
Бул кырсыкка байланыштуу НАТОнун башкы катчысы Йенс Столтенберг Түркия бийлигине көңүл айтты.
