Линктер

ЧУКУЛ КАБАР!
19-Сентябрь, 2021 жекшемби, Бишкек убактысы 03:20

Жаңы паспорт берүү мөөнөтү дагы узарды, жооптуу жетекчилердин бири иштен алынды


Жаңы үлгүдөгү жалпы жарандык паспорт.

Кыргыз өкмөтү жаңы үлгүдөгү паспортторду берүүдө көйгөй жаралгандыктан чет жакта жүргөн жарандардын паспортунун мөөнөтүн убактылуу узартты. Бул тууралуу 9-мартта өкмөттүн басма сөз кызматы кабарлады.

Мекеменин маалыматына караганда, Тышкы иштер министрлиги чет мамлекеттерге кайрылып, ошол жакта жүргөн кыргыз жарандарынын паспортунун мөөнөтү быйылкы жылдын 1-сентябрына чейин узартылганы тууралуу маалымат бериши зарыл.

Жаңы паспорт боюнча план ишке ашпай жатканы үчүн өкмөт башчы Улукбек Марипов Мамлекеттик каттоо кызматынын төрагасы Акын Мамбеталиевге сөгүш жарыялап, анын орун басары Тилек Батыркановду иштен алды.

Жалпы жарандык паспорттун жаңы муундагы биометрикалык үлгүсү (ePassport) Кыргызстанда 2020-жылдын 25-декабрында бериле баштамак. Кийин апрелде берилет деп маалымдалган.

Чет мамлекеттерге чыга турган жалпы жарандык биометрикалык үлгүдө болбогондуктан, АКШнын администрациясы 2020-жылдын 31-январынан тартып кыргызстандык жарандардын иммиграциялык визаларына жана грин-картка чектөөлөрдү киргизген. (RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG