Линктер

ЧУКУЛ КАБАР!
15-Апрель, 2021 бейшемби, Бишкек убактысы 08:26

20-мартта кар жаашы мүмкүн


Кыргызстандын аймагы. Иллюстрациялык сүрөт.

«Кыргызгидромет» борбору кабарлагандай 20-марттан 22-мартка чейин жаап өткөн жана күтүлүп жаткан жаан-чачынга байланыштуу Кыргызстандын тоолуу райондорунда, автожолдордо кар көчкү түшүү коркунучу бар.

Жолдор тайгак болуп, муз тоңот. Унаалардын ортосундагы аралык 500 метрден кем болбошу зарыл.

20-мартта түнкүсүн Талас, Жалал-Абад, Баткен облустарынын тоолуу райондорунда кар жаашы мүмкүн, калган аймактарда жаан-чачын болбойт.

Күндүз Талас облусунун көпчүлүк аймактарында, Чүй, Баткен облустарынын кээ бир райондорунда жаан, Жалал-Абад облусунун тоо этектеринде жана тоолуу райондорунда кар жаашы ыктымал. Ош, Ысык-Көл, Нарын облустарында жаан-чачын болбойт.

Абанын температурасы:

Чүй өрөөнүндө түнкүсүн +2…-7, күндүз +14…+19;

Таласта түнкүсүн +1…+6, күндүз +13…+18;

Баткен, Ош жана Жалал-Абад облустарында түнкүсүн +3…+8, күндүз +15…+20;

Ысык-Көлдө түнкүсүн -4…+1, күндүз +7…+12;

Нарын облусунда түнкүсүн -3…-8, күндүз +4…+9;

Бийик тоолордо түнкүсүн -15…-20, күндүз -1…-6 градус суук болот.

20-мартта Бишкек шаарында жаан-чачын болбойт. Абанын түнкү температурасы +6… +7°, күндүзгү жогорку температурасы +16… +18° жылуу болот. (ErN)

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG