Линктер

ЧУКУЛ КАБАР!
23-Сентябрь, 2021 бейшемби, Бишкек убактысы 16:06

Фарид Ниязовдун адвокаты анын оорусу боюнча Башкы прокурорго кайрылды


Фарид Ниязов. Архивдик сүрөт.

Президенттик аппараттын мурдагы жетекчиси Фарид Ниязовдун адвокаты Башкы прокуратурага кайрылып, анын бөгөт чарасын өзгөртүү демилгесин көтөрүүнү өтүндү. Бул тууралуу адвокат Замир Жоошев “Азаттык” радиосуна 27-мартта билдирип, Башкы прокурор Курманкул Зулушевге кайрылуу арызын жолдогонун айтты.

Жактоочунун белгилешинче, Жазык-процесстик кодекстин 118-беренесине ылайык, кылмышка шектүү адамда оор илдет аныкталса, анын бөгөт чарасын жумшартса болот жана бул үчүн мыйзамдуулукту көзөмөлдөөчү орган катары прокуратура тергөө судьясына өтүнүч келтире алат.

2020-жылдын 4-октябрында Кыргызстанда кезектеги парламенттик шайлоо өткөн. Анын эртеси нааразылык акциясы уюштурулуп, 6-октябрга караган түнү өлкөдө бийлик алмашкан. Акциялар уланып, 9-октябрда Бишкектин Ала-Тоо аянтында митинг уюштурулган. Милиция аянттагы таш, бөтөлкө ыргытуу, ок атуу менен коштолгон жаңжал боюнча иш козголгонун маалымдаган. Бул үчүн 10-октябрда мурдагы президент Алмазбек Атамбаевдин кеңешчиси Фарид Ниязов менен чогуу бир топ адам кармалган. Ниязовдон башкасынын баары үй камагына бошотулду. Ишти Бишкектин Биринчи Май райондук соту карап жатат.

Ниязов ага чейин 2019-жылдын августундагы Кой-Таш окуясы боюнча кармалып, абакта отурган.

Адвокаттын айтымында, ал Бишкектеги №1 тергөө абагында отурган 1,5 жылдан бери ооруганы тууралуу эч нерсе айткан эмес, бирок жакында дарыгерлер текшергенде кан басымына байланыштуу өтө кооптуу оорусу бар экени аныкталды жана бул диагноз адамды тергөө абагында кармоого уруксат берилбеген илдеттердин тизмесине кирет.

Башкы прокуратура адвокаттын билдирүүсү жана арызы боюнча азырынча расмий маалымат бере элек. (RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG