Линктер

ЧУКУЛ КАБАР!
28-Сентябрь, 2021 шейшемби, Бишкек убактысы 08:47

Ленин районунун мурдагы акими Чынасыл Чыныбаев үй камагына чыкты


Чынасыл Чыныбаев кызматтык бөлмөсүндө. Февраль, 2021-жыл

"Ишенип берилген мүлктү ыйгарып алууга" шектелип кармалган Ленин районунун мурдагы акими Чынасыл Чыныбаев үй камагына чыкты. Анын бөгөт чарасын Бишкектин Биринчи май райондук соту 29-мартта караган. Чыныбаев үй камагында 27-майга чейин болот.

Биринчи май райондук сотунун маалыматы боюнча Чыныбаев Кылмыш-жаза кодексинин 205-беренесинин("Ишенип берилген мүлктү ыйгарып алуу же ысырап кылуу") 3-бөлүмү жана 39-берененин (“Кылмышка аракеттенүү”) 2-бөлүгү менен айыпталып жатат.

Буга чейин айрым маалымат каражаттары Чынасыл Чыныбаев сотко чейинки тергөөнүн алкагында кармалганын, бюджеттик каражаттарды үгүт иштери үчүн депутаттыкка талапкерлердин бирине мыйзамсыз бөлүп бергенин жазып чыгышкан.

29-мартта Бишкек шаардык мэриясы Ленин районунун акими болуп Мелис Оскомбаев дайындалганын кабарлаган. Бул кызматты буга чейин ээлеп келген Чынасыл Чыныбаев “Мамлекеттик жарандык кызмат жана муниципалдык кызмат жөнүндө” мыйзамдын 46-беренеси ("Өз каалоосу боюнча кызматын токтотуу") боюнча иштен бошотулганы айтылган.

Чынасыл Чыныбаев Ленин районунун акими болуп 2020-жылдын август айында дайындалган. (MiK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG