Линктер

ЧУКУЛ КАБАР!
26-Май, 2022 бейшемби, Бишкек убактысы 15:02

Өзбекстан менен Казакстандан жардамга буудай үрөнү келет


Буудай. (Иллюстрациялык сүрөт).

Премьер-министр Улукбек Марипов Өзбекстан Кыргызстанга 1000 тонна буудай үрөнүн берип жатканын, анын теңи жардам экенин билдирди. Өкмөт башчы кыргыз тарап жардамдын жарымын кайра буудай менен кайтарып берерин айтты.

Андан тышкары Кыргызстан 500 тонна пахта үрөнүн ушундай эле келишим менен алат. Өзбекстан 10 миң тонна унду гуманитардык жардам катары кайтарымсыз тартипте бермекчи.

Мындай колдоону Казакстан да көрсөткөнү турат.

«Казак боордоштор да 1000 тонна үрөндү күздүк буудай себүүгө жардам катары берип жатышат», - деди Марипов.

Улуттук статистика комитетинин 25-мартта берген маалыматына ылайык өлкөдө жогорку сорттогу буудай уну 48,45 сомдон, ал эми биринчи сорттогу буудай уну 38,97 сомдон сатылып жатат. Өткөн жылдын ушул мезгилине салыштырмалуу жогорку сорттогу ун 13,2%, биринчи сорттогу ун 10,8% кымбаттады. (BTo)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG