Линктер

ЧУКУЛ КАБАР!
12-Май, 2021 шаршемби, Бишкек убактысы 03:10

Кыргызстанда добуш берүү аяктап, шайлоо тилкелери жабылды


Бишкектеги добушканалардын бири. 11-апрель, 2021-жыл.

Кыргызстандагы бардык добушканалар кечки саат сегизде жабылды.

Борбордук шайлоо комиссиясынын маалыматына караганда, кечки саат алтыга карата 1 миллиондон ашык жаран добуш берди. Жергиликтүү кеңештерге шайлоого 1 024 891, референдумга 1 061 591 жаран келди.

Шаардык кеңештерге 3 03 176 шайлоочу добуш берип, жалпы шайлоочулардын 28,89% түздү.

Ал эми айылдык кеңештер үчүн 721 715 жаран добуш берди. Бул - жалпы шайлоочулардын 31,81%.

Конституциянын жаңы редакциясы коюлган жалпы элдик референдумга катышкандар 29,44% жетти. Башкача айтканда, 1 061 591 киши добуш берүүгө келди. Жалпы шайлоочулардын 30% катышса, референдум өттү деп эсептелет.

Референдумду өткөрүү үчүн 2483 шайлоо тилкеси ачылган. Анын 48и чет мамлекеттерде уюштурулган.

Референдумга катышууга 3 606 201 жаран, жергиликтүү кеңештерге шайлоого 3 318 130 жаран катталган.

11-апрелде 448 кеңештин, анын ичинде 28 шаардык жана 420 айылдык кеңештин депутаттарын шайлоо өттү.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG