Линктер

ЧУКУЛ КАБАР!
17-Май, 2021 дүйшөмбү, Бишкек убактысы 07:38

Анкара: АКШ аскер кемелерин Кара деңизге жөнөтүүдөн баш тартты


Кара деңиздеги Румыниянын суу чек арасында турган АКШнын аскер-деңиз күчтөрү. 13-март. 2015-жыл.

Бир катар маалымат агенттиктер түркиялык дипломаттарга шилтеме кылып, АКШнын аскер кемелери буга чейин айтылгандай 14-15-апрелде Кара деңиздеги Босфор кысыгынан өтпөй турганын жазышты.

Мунун алдында Вашингтон орус-украин чек арасындагы соңку абалдан улам Кара деңизге аскер кемелерин киргизерин жарыялаган жана кысыктан өтүүгө Анкарадан уруксат сураган. АКШнын мындай сунушту кайра кайтарып алган себеби азырынча белгисиз.

Буга чейин АКШ Орусияны Украина менен чек арасына жакын аймактарга аскерлерин жайгаштырып, алардын санын көбөйтүп жатканын айыптаган. Вашингтон эгер Киевге коркунуч жаралса бул өлкөнү абадан жана деңизден колдоп-коргоого даяр экенин билдирген.

АКШ менен Орусиянын лидерлери 13-апрелде орус-украин чек арасындагы соңку абалды телефондон талкуулашкан. Анда Кошмо Штаттарынын президенти Жо Байден Украианын аймактык бүтүндүгүн колдоорун айтып, орус кесиптеши Владимир Путинге жакынкы аралыкта жеке жолугууну сунуштаган.

Расмий маалыматка ылайык, Байден 14-апрелде немис канцлери Ангела Меркель менен дагы сүйлөшүп, лидерлер Орусия чек арада аскерлеринин саны азайтса, аймактагы чыңалуу жөнгө салынмак деген пикирге келишти.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG