Линктер

ЧУКУЛ КАБАР!
23-Май, 2022 дүйшөмбү, Бишкек убактысы 07:44

Түркмөн президенти эми парламентти да башкарат


Гурбангулы Бердымухаммедов. Түркмөнстандын президенти.

Түркмөн президенти Гурбангулы Бердымухаммедов Халк Маслахатынын (парламенттин жогорку палатасы) жаңы чакырылышында төрагалыкка дайындалганын алгачкы сессияда өзү жарыялады. Мындан улам аткаруу бийлигинин башчысы - президент эми бир эле учурда өлкөнүн мыйзам чыгаруу бийлигин да башкара турган болду.

Мамлекеттик телеканал Халк Маслахатынын жыйынында өткөн айдын аягында кыйыр добуш аркылуу тандалган жана президент өзү дайындаган парламент депутаттарынын тизмеси бекигенин көрсөттү.

Сессияда айтылган чечимдердин бары бир добуштан колдоо тапты. Халк Маслахатынын жыйынын расмий бекигенге чейин эле ага президент өзү төрагалык кылды.

Түркмөн парламентинин жогорку палатасы 56 депутаттан турат жана анын сегизин президент дайындайт.

Башында парламенттин жаңы курамынын тизмесинде Бердимухамедов жок болуп, бирок анын депутат болбой туруп эле төрагалыкка шайланышы күтүүсүз болгон. Ал эми өлкөнүн Баш мыйзамы бир эле адамдын президенттик менен парламент төрагалыгын аткарышына тыюу салат.

63 жаштагы президент Гурбангулы Бердымухаммедов бир эле учурда өкмөттү да жетектейт. Ал өлкөнү 2006-жылдан бери башкарып келе жатат.

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG