Линктер

ЧУКУЛ КАБАР!
9-Май, 2021 жекшемби, Бишкек убактысы 08:54

Британия эки аскер кемесин Кара деңизге жиберет


JAPAN-BRITAIN/DEFENCE

Улуу Британия май айында эки аскер кемесин Кара деңизге - Украинага жана НАТОго тилектештигин билдирүү максатында жиберет.

Бул тууралуу "Sunday Times" гезити өз булактарына таянып жазды. Ага ылайык, ракеталар менен куралданган эки аскер кемеси Босфор кысыгы аркылуу Кара деңизге кирет. Ал эми Жер ортолук деңизинде "Квин Элизабет" кемеси болот.

Британ Коргоо министрлигинин өкүлү бул маалыматка комментарий берген жок. Бирок Лондон жана союздаштары Украинанын эгемендигин жана бүтүндүгүн колдошорун белгиледи.

Апрелдин орто ченинде АКШнын Аскер-деңиз күчтөрүнө таандык эки кеме Кара деңизге багыт алары мурдараак кабарланган. "Sunday Times" бул демилгени президент Жо Байден Орусия менен мамилени чыңалтпоо максатында токтотконун жазды.

Түркиянын маалымат каражаттары АКШ Босфор аркылуу кемелери өтөрүн билдирген маалымдамасын артка алганын айтып чыгышты. АКШ бул тууралуу расмий кабарлаган жок.

Учурда Кара деңизде Орусиянын аскер деңиз флотунун кемелери чогулууда. Аймакка Кара деңиз флотунан тышкары Каспий жана Түндүк флоттун кемелери да алып келинген. Бул жерде аскердик машыгуу болорун билдирген Орусия Керчен кысыгы аркылуу чет элдик кемелер өтүүсүнө октябрга чейин тыюу салган.

Киев Москванын бул чечимин мыйзамсыз деп эсептейт.

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG