Линктер

ЧУКУЛ КАБАР!
11-Май, 2021 шейшемби, Бишкек убактысы 17:52

ЕБ Чехияны толук колдой турганын билдирди


Жозеп Боррел (солдо).

Европа биримдиги Орусия менен болгон соңку пикир келишпестикте Чехияны толук колдой турганын билдирди.

«Чехиянын тышкы иштер министри 2014-жылдагы жарылуудан улам ушул дем алыш күндөрү орусиялык 18 дипломаттын өлкөдөн чыгарылышы тууралуу бизге кабар берди. Бул дипломаттарды чех чалгыны Орусиянын агенттери катары аныктаган. ЕБ Чехия менен тилектеш», - деди уюмдун тышкы иштер боюнча жогорку өкүлү Жозеп Боррел.

Чехия орусиялык мурдагы офицер Сергей Скрипаль менен анын кызы Юлияны ууландырууга катышы бар агенттердин 2014-жылы чех курал-жарак кампасындагы жарылууга тиешеси бар экенин жарыялагандан кийин эки тараптын мамилеси начарлады.

17-апрелде чех премьер-министри Андрей Бабиш Чехиянын коопсуздук кызматтарында кампадагы жарылууга Орусиянын тиешеси тууралуу «анык далилдер» бар экенин жарыялаган. Бул үчүн орусиялык 18 дипломат Чехиядан чыгарылган.

Москва Праганын чечимине жооп иретинде чехиялык 20 дипломатты өлкөдөн чыгарды.

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG