Линктер

ЧУКУЛ КАБАР!
22-Июнь, 2021 шейшемби, Бишкек убактысы 16:52

Орусияда коронавирустун индиялык штаммы аныкталды


Ульянов университетинин Индиядан келген 16 студентинен коронавирустун B.1.617 үлгүсүндөгү же индиялык штаммы аныкталды. Бул тууралуу орусиялык маалымат каражаттары тиешелүү өкмөттүк мекемелерге шилтеме берип жазышты. Вирус аныкталган студенттер менен байланышта болгон 120дай адам эки апталык изоляцияга жөнөтүлдү.

Аларды аэропорттон шаарга алып келген эки такси айдоочусу байкоо алдында экени белгилүү болду.

Орусиянын Ульяновск облусунда жаңы штаммдын аныкталганына байланыштуу азырынча кошумча чаралар көрүлбөй турганы айтылды.

Индиялык штаммды Дүйнөлүк саламаттык сактоо уюму коронавирустун мутацияланган жаңы түрү катары каттаган.

Индияда соңку бир нече аптадан бери коронавирусту жугузгандардын жана андан каза болгондордун саны абдан көп болуп жатат. 13-майда өлкөдө 360 миңден ашык адамдан вирус табылды. Мындай кырдаалда Индиянын саламаттык сактоо мекемелеринде орундар жетишпей, көйгөй жаралды.

Facebook шеринеси

XS
SM
MD
LG