АКШнын мамлекеттик катчысы Энтони Блинкен Вашингтон Арктиканын милитаризациясына тынчсызданганын билдирди. Аймактын стратегиялык мааниси супер державалар арасында барган сайын артууда.
Блинкен Түндүк Европаны кыдырып жүрөт. 19-майда Рейкьявикте ал Арктика кеңешинин жыйынына катышмакчы. Анын жүрүшүндө орус тышкы иштер министри Сергей Лавров менен алгачкы жолу бетме-бет жолугушат.
Мамлекеттик департаменттин басма сөз катчысы Нед Прайстын айтымында, Блинкен Арктиканы жаңжалдардан эркин аймак катары сактап, кеңештин мүчөлөрү орток баалуулуктардын, климаттагы өзгөрүүлөрдүн терс таасирин алдын алуунун үстүнөн иштегидей шарт түзүүнү сунуш кылганы жатат.
Лавров менен кездешүү 20-майга пландалган. Орусиянын Тышкы иштер министрлиги башкы дипломаттар “ортодогу мамилелерди жана эл аралык маселелерди талкуулашарын” билдирди.
