19-майда катуу шамал Талас облусунда айрым имараттардын чатырын учуруп кетти. Бул тууралуу "Азатыкка" Өзгөчө кырдаалдар министрлигинин басма сөз кызматы маалымдады.
Кабарларга караганда, ылдамдыгы 15 метрге жеткен шамал Бакай-Ата районундагы Бакай-Ата, Ак-Дөбө жана Боо-Терек айылдарында турак үйлөрдүн, Кызыл-Сай айылындагы устакананын 144 даана чатырын учуруп кеткен. Адам өмүрүнө шамалдын зыяны тийген эмес.
20-майда Өзгөчө кырдаалдар министрлиги Бишкек жана Чүй облусунун аймагында секундасына 15-20 метрге жеткен катуу шамал болоорун билдирген.
