27-майда Жогорку Кеңештин мурдагы депутаты Алишер Мамасалиев мезгилсиз дүйнөдөн кайтты. Бул тууралуу анын санаалаштары кабарлады.
Алишер Мамасалиев 48 жашта болчу. Ал акыркы маалда ооруп, чет мамлекеттерде дарыланып жүргөн. 1973-жылы Бишкек шаарында туулган.
1997-1999-жылдары Коомдук телерадио корпорациясынын (КТРК) “Замана” студиясында журналист болуп иштеген. 2003-жылы жаштардын “Алико” бейөкмөт уюмун жетектеген.
2006-жылы “Кел-Кел” жаштар кыймылын башкарып, 2007-2010-жылдары Жогорку Кеңештин депутаты болгон.
2015-жылы парламенттик шайлоого «Өнүгүү-Прогресс» партиясы менен катышып, бирок ден соолугуна байланыштуу тизмеден чыкканы кабарланган.
Мамасалиев коомдо болуп жаткан саясий-социалдык маселелер тууралуу такай өз оюн билдирип, ар кандай иш-чараларга активдүү катышып жүрчү.
"Азаттык" радиосу маркумдун үй-бүлөсүнө, жакындарына көңүл айтып, кайгысын тең бөлүшөт.
"Азаттыктын" архивинен (13-декабрь, 2019-жыл)
Facebook шеринеси