Линктер

ЧУКУЛ КАБАР!
25-Июль, 2021 жекшемби, Бишкек убактысы 14:55

Иранда президенттикке талапкерлердин дебаты өттү


Талапкерлердин бири Ибрагим Раиси.

Иранда 18-июнга белгиленген президенттик шайлоонун алкагында талапкерлердин алгачкы дебаты өттү. Үч саатка созулган дебатта талапкерлер өлкөдөгү экономикалык абал боюнча кайым айтышты. Ирандын Сакчылар кеңеши президенттик шайлоого катышууну каалаган 600дөй адамдын ичинен жети саясатчыны талапкер катары каттаган.

Алардын бешөө ультраконсервативдүү саясатчылар болсо, экөө өлкөдө реформаны каалаган байистүү позицияны карманат. Консервативдүү саясатчылар учурдагы президент Хасан Роуханинин соңку сегиз жылдагы башкаруусун сынга алып, ага пикирлеш болгон талапкер Абдолнасер Хеммитини айыпташты. Акыркы жылдары Иранда Борбордук банктын башчылыгын аркалаган Хеммати болсо ашкере динчил саясатчыларды Батыш менен мамилени бузган деп күнөөлөп, өлкөнүн экономикалык оор кырдаалга кириптер болушуна санкцияларды негиз келтирген.

Ал эми Ирандын сот тармагын жетектеген Ибрагим Раиси байистүү талапкерлер менен көп айтышпай, көбүнесе экономикалык көйгөйлөргө басым жасады.

Сакчылар кеңеши тандаган жети талапкердин арасынан ашынган диниятчы Раисинин президент болуу мүмкүнчүлүгү жогору бааланып жатат.

Ирандын учурдагы президенти, байистүү көз караштагы саясатчы саналган Хасан Роухани эки мөөнөт иштегени үчүн бул жолку шайлоого катышкан жок.

Facebook шеринеси

XS
SM
MD
LG