2020-жылга карата Адамдын өнүгүү индексинде Кыргызстан 189 мамлекеттин арасында 120-орунду ээледи. Бул - Борбор Азия чөлкөмүндөгү төмөн көрсөткүчтөрдүн бири. Бириккен Улуттар Уюмунун Өнүктүрүү программасынын адистери Улуттук статистика комитетинин маалыматтарынын негизинде аныктаган рейтинг 8-июнда расмий жарыяланат.
Уюмдун өкүлү Нурай Мамытованын айтымында, индекс жашоо узактыгы, билим берүү, медицина, гендердик теңчилик өңдүү аспектилердин негизинде чыгарылды.
Борбор Азиядагы мамлекеттердин арасында Казакстан - 51, Өзбекстан - 105, Түркмөнстан - 111, Тажикстан 125-орунда.
Алдыңкы саптагы беш мамлекет - Норвегия, Ирландия, Швейцария, Гонконг, Исландия.
Эң начар беш өлкө - Бурунди, Түштүк Судан, Чад, Борбордук Африка Республикасы, Нигер.
Адистердин тыянагына ылайык, Кыргызстанда адамдардын жашоо узактыгынын орточо курагы - 71 жашты түзөт.
Facebook шеринеси