Ош шаардык кеңешине кайра шайлоого катышуу үчүн тогуз партия документтерин тапшырды. Бул тууралуу Аймактык шайлоо комиссиясы билдирди.
Шайлоого катышуу үчүн документтерин берген партиялардын ичинен "Келечек-Будущее", "Нур", "Биздин Кыргызстан" саясий партиялары шаардык кеңешке жаңы катышып жатат. Калган алтоо 11-апрелдеги жыйынтыгы жокко чыгарылган шайлоодо ат салышкан.
Партиялардын жалпы тизмеси:
- "Ынтымак"
- "Улуу Журт"
- "Бир бол"
- "Бүтүн Кыргызстан"
- "Ата-Журт-Кыргызстан"
- "Улуттар Биримдиги"
- "Келечек-Будущее"
- "Нур"
- "Биздин Кыргызстан"
Ал эми Бишкек шаардык кеңешине 17 партия, Токмок шаардык кеңешине алты партия арыз берди.
Быйыл 11-апрелде Кыргызстандын бир катар шаардык жана жергиликтүү кеңештерине шайлоо өткөн. Добуш сатып алуу жана административдик ресурс чырынан улам Бишкек, Ош, Токмок шаарларындагы шайлоонун жыйынтыгы жокко чыгарылып, кайра шайлоо 11-июлга белгиленген. (DU)
