Линктер

ЧУКУЛ КАБАР!
17-Сентябрь, 2021 жума, Бишкек убактысы 06:09

Жогорку Кеңештин ишин жөнгө салган мыйзамдар кайра жазылды


Жогорку Кеңештин имараты

Парламенттин ишин жөнгө салган мыйзамдарды жаңы Баш мыйзамга шайкеш келтирүү үчүн жаңы жазылган мыйзам долбоорлору боюнча парламенттик угуу өтүп жатат.

Жогорку Кеңештин тармактык комитетинде өтүп жаткан парламенттик угууга беш мыйзам долбоору чыгарылды. «Жогорку Кеңештин регламенти», “Депутаттардын статусу” жөнүндө конституциялык мыйзам долбоору жана “Айрым мыйзам актыларына өзгөртүүлөрдү киргизүү”, Жогорку Кеңеш тарабынан контролдук иш-милдеттерди жүзөгө ашыруунун тартиби”, Жогорку Кеңештин ишин мамлекеттик жалпыга маалымдоо каражаттарында чагылдыруу тартиби жөнүндө" мыйзам долбоорлору.

Кыргызстанда 5-майдан баштап президенттик башкаруу формасындагы Конституция иштеп баштады. Ага ылайык парламент депутаттарынын укуктары бир топ азайган.

Мурда өкмөттү парламентке келген фракциялардын коалициясы кураса, жаңы Баш мыйзамда өкмөттүн түзүмүн жана курамын президент аныктап, парламентке макулдук алуу үчүн гана алып келет. (МТа)

Facebook шеринеси

XS
SM
MD
LG