Линктер

ЧУКУЛ КАБАР!
21-Сентябрь, 2021 шейшемби, Бишкек убактысы 17:03

Ооганстан: түндүктөгү чоң шаар Мазари-Шариф талибдердин колуна өттү


Ооганстан.

Ооганстанда "Талибан" кыймылы өлкөнүн түндүгүндөгү стратегиялык шаар - Мазари-Шарифти басып алганын 14-августтун кечинде Reuters агенттиги жазып чыкты.

Маалыматка караганда, талибдер 24 сааттан кийин Кабулдан 150 чакырым чыгышта жайгашкан Желал-Абад шаарын согушсуз басып алган. Согушкерлер бул шаарды 15-августта таң эрте ээлегени кабарланды. Азыр Ооганстандын борбору Кабул өкмөттүн көзөмөлүндөгү акыркы чоң шаар болуп турат.

Талибдер Нангархар провинциясынын борбору болгон Желал-Абаддагы губернатордун кеңсесинде түшкөн сүрөттөрдү интернетте жайгаштырышкан.

Провинция депутаты Абрарулла Мурад "Ассошиэйтед Пресс" агенттигине жоочулар ал жердеги аксакалдар менен сүйлөшкөндөн кийин Желал-Абадды басып алышканын маалымдаган.

Желал-Абад менен Мазари-Шарифтин талибдердин колуна өтүшү президент Ашраф Гани үчүн чоң сокку болду. Ал 14-августта элге кайрылып, 20 жылда жеткен жетишкендиктен баш тартпоого убада берген.

Талибдер май айында АКШ жетектеген күчтөр чыгып кеткенден кийин активдешип, акыркы аптада тездик менен улам бир аймакта басып алып жатат.

Америка Кошмо Штаттары жана Британия өз жарандарын жана аларга иштеген оогандыктарды эвакуациялоого жардам берүү үчүн кошумча аскерлерди киргизүүдө. (МТа)

Facebook шеринеси

XS
SM
MD
LG