Кыргызстандын Салык кызматы кыргыз-казак чек арасындагы “Ак-Тилек” бекетинен 1266 мал, 40 тоннадай дан, 20 тоннадай товар кармалганын кабарлады. Бул импорт жүктөрдүн тийиштүү документтери жок болгон. Бул тууралуу мекеменин басма сөз кызматы билдирди.
Маалыматка ылайык, "Ак-Тилектен" 272 баш бодо мал, 910 кой-эчки, 22 тонна улпак, 22 тонна арпа жана 30 тоннадай чарба товарлары кармалган. Ал эми кыргыз-казак чек арасындагы “Чалдыбар” бекетинен 69 жылкы, 15 бодо мал, 15 тонна тоок жумурткасын мыйзамсыз алып өтүп бараткандар аныкталган.
Учурда бардык мыйзам бузуу материалдары тийиштүү органдарга өткөрүлүп берилди. (TSh)