Линктер

ЧУКУЛ КАБАР!
19-Октябрь, 2021 шейшемби, Бишкек убактысы 11:34

Кара-Суудагы "Оомат" базарынын сатуучулары нааразылыкка чыгышты


Нааразылыкка чыккан сатуучулар

Кара-Суу шаарындагы "Оомат" базарынын сатуучулары 23-сентябрда нааразылыкка чыгышты. Алар базардын жаңы ээсинин адамдары сатуучулар менен жаңы келишим түзүлөрүн, ар бир контейнерден беш жылга 5000 АКШ доллардан талап кылып жатканын билдиришти.

"Азаттык" базардын ээси ким экенин сатуучулардан жана башка булактардан азырынча тактай алган жок.

Райондук админстрациянын алдына чыккан ишкерлер патенттери бар экенин, тийиштүү салыктарды төлөп келишерин кошумчалап, бийликти бул жагдайга көңүл бурууга чакырышты.

Президенттин Ош облусундагы өкүлчүлүгүнөн билдиришкендей, Кара-Суу районунун акими нааразы болгондордун талабын укту.

"Соодагерлер күч түзүмдөрүнө арыз менен кайрылып жатышат", - деди президенттин Ош облусундагы өкүлчүлүгүнүн маалымат катчасы Эрмек Муратбек уулу.

Кара-Суудагы базар Борбор Азиядагы эң чоң соода аймактарынын бири. Кыргызстанда "Дордойдон" кийинки орунда турат. Аянты 24 гектар. Курамында 20дан ашык жеке менчик жана муниципалдык базарлар бар. (DU)

Сатуучулардын митингин "Т-Медиа" каналы "Фейсбукта" түз көрсөттү.

Facebook шеринеси

XS
SM
MD
LG