СССР доорунун белгилүү диктору Игорь Кириллов 90 жашында көз жумду. Бул тууралуу Орусиянын "Биринчи каналы" кабарлады.
Сентябрда анын саламаттыгы начарлаганын "Известия" жана Рен-ТВ маалымдаган, октябрда ооруканага түшкөнү тууралуу "Интерфакс" жазган.
Кириллов 20 жылдан ашуун күн сайын "Время" маалыматтык программасынын алып баруучусу болгон. Расмий маалыматтарды, өлкө башчыларынын куттуктоолорун, кайрылууларын телерадиодо элге жеткирген, Кызыл аянттагы иш-чараларды түз эфирде чагылдырган.
"Время" көрсөтүүсүндө акыркы жолу 1989-жылы 30-декабрда чыккан.
