Линктер

ЧУКУЛ КАБАР!
29-Март, 2024-жыл, жума, Бишкек убактысы 08:22

Президент антикоррупциялык ишкердик кеңештин курамын өзгөрттү


Садыр Жапаров.
Садыр Жапаров.

Президент Садыр Жапаров президентке караштуу Антикоррупциялык ишкердик кеңештин курамын өзгөртүүлөрдү киргизди.

Президенттин жарлыгы менен Антикоррупциялык ишкердик кеңештин курамынан Европа реконструкциялоо жана өнүктүрүү банкынын Борбордук Азия боюнча аймактык директору - Айтен Рустамова, Германиянын Кыргызстандагы элчиси - Габриэла Геллил, Швейцариянын Кыргызстандагы элчиси - Оливье Бангертер, АКШнын Эл аралык өнүктүрүү агенттигинин "Укук булагы" долбоорунун директору - Фред Хьюстон чыгарылды.

Мамлекет башчысынын жарлыгы менен Антикоррупциялык ишкердик кеңештин курамына улуттук коопсуздук мамлекеттик комитетинин төрагасы – Камчыбек Ташиев, санариптик өнүктүрүү министри – Дастан Догоев, энергетика министри – Доскул Бекмурзаев, айыл чарба министри – Аскарбек Жаныбеков, кыргыз-орус өнүктүрүү фондунун төрагасы – Артем Новиков, Евразия өнүктүрүү банкынын директору – Нурлан Акматов киргизилди.

Ишкердик кеңеш быйыл июль айында түзүлгөн. Ага мамлекеттик органдардын, бизнес ассоциацияларынын, жарандык сектордун, илимий жана билим берүү мекемелеринин өкүлдөрү мүчө.

16-ноябрда мамлекет башчысы Садыр Жапаров президентке караштуу Антикоррупциялык ишкердик кеңештин биринчи жыйыны резолюция менен жыйынтыкталып, өлкөнүн коррупцияга каршы стратегиясынын концепциясын негиз катары кабыл алуу, жумуш тобун түзүп, 2021-2024-жылдарга карата стратегиянын долбоорун иштеп чыгуу жана Коррупцияга каршы эл аралык күндү өткөрүү боюнча сунуштарды киргизүү тууралуу чечимдер кабыл алынган. (МТа)

Facebook шеринеси

XS
SM
MD
LG