Линктер

ЧУКУЛ КАБАР!
19-Май, 2024-жыл, жекшемби, Бишкек убактысы 17:05

Бишкекте 12 жаштагы кызды сабаган окуучунун ата-энеси айыппулга жыгылды


Бишкектеги №6 кичи районунун сейил багында 4-класстын окуучусу экинчисин сабап жатканы интернетте тараган. Бул боюнча кыздын ата-энесине айыппул салынганын Октябрь райондук ички иштер башкармалыгынан билдиришти.

Милициянын маалыматына караганда, шаардык балдар ооруканасынан 2010-жылы туулган окуучу кыз бейтапканага бети көгала болуп түшкөнүн билдирген. Териштирүү учурунда аны башка окуучу кыз ур-токмокко алганы аныкталган.

Факт милицияда катталып, соттук-медициналык экспертиза дайындалган. 4-класстын окуучусунун ата-энесине Кылмыш-жаза кодексинин 102-беренеси ("Ата-энелик милдеттерин аткаруудан качуу") менен протокол түзүлүп, миң сом айыппул салынган.

Бишкек шаардык мэриясынын басма сөз кызматы 4-класстын окуучусу билим алган №56 мектептин директору жана завучуна карата тартиптик чаралар көрүлгөнүн билдирди.

Иликтөөлөргө ылайык, окуучуларды мындай кадамга көпчүлүк учурда миграция, жумушсуздук, рэкетчилик, чоңсунуу, опузалоо жана үйдөгү пикир келишпестик өңдүү маселелер түртөт.(KS)

Facebook шеринеси

XS
SM
MD
LG