Билимкана" фондунун "Элдик мугалим" сыйлыгы үч мугалимге ыйгарылды. Алар - Чаткалда эмгектенген Атыркүл Кутманова, алайлык Гүлжамал Калчабаева жана аксылык Осмонжан Абылкасымов. Жеңүүчүлөр үчүн Грузияга саякат уюштурулат.
Кутманова менен Калчабаева "Азаттык" радиосунун "Данисте" берүүсүндөгү "Тагдырды өзгөрткөн мугалим" түрмөгүнүн каармандары.
3-майда Бишкектеги Улуттук филармонияда "Билимкана" фондунун он жылдыгына арналган иш-чара уюштурулду. Ага ар аймактардан келген мугалимдер чакырылган.
Мыктыларды тандоодо алардын тажрыйбасы, окуучуларынын ийгиликтери эске алынганын уюштуруучулар билдиришти. Талапкерлер негизинен алыскы аймактарда иштегендер.
"Азаттык" - "Билимкана" фондунун "Элдик мугалим" сыйлыгынын медиа өнөктөшү.
Математик Атыркүл Кутманова жана географ Гүлжамал Калчабаева жөнүндө чыккан видеобаяндарды төмөндө көрсөңүз болот:
Facebook шеринеси