Дүйшөмбү, 23-майдан тартып Бишкек милициясы күчөтүлгөн тартипте иштөөгө өтөт. Шаардык ички иштер башкармалыгынын маалыматына караганда, Евразия экономикалык форумун өткөрүүгө байланыштуу коомдук коопсуздукту камсыздоо чаралары күчөтүлөт.
26-майда өтө турган форумга Евразия экономикалык биримдигине (ЕАЭБ) мүчө мамлекеттердин башчылары катышары пландалууда.
Коомдук жана жол кыймылынын коопсуздугун камсыздоого 26-28-май күндөрү 4 миң милиция кызматкери, 200дөй атайын автомашина тартылат.
Беларус, Казакстан, Орусия 2010-жылы Бажы биримдиги катары түзгөн ЕАЭБге Кыргызстан менен Армения 2015-жылы кошулган. Бул уюмдагы төрагалык милдет быйыл Кыргызстанда. (RK)