Линктер

ЧУКУЛ КАБАР!
25-Май, 2024-жыл, ишемби, Бишкек убактысы 17:43

УКМК Жалал-Абадда беш киши экстремисттик уюмдан чыкканын билдирди


Жалал-Абад шаары.
Жалал-Абад шаары.

Жалал-Абад облусунунун беш тургуну “Хизбут-Тахрир” диний-экстремисттик уюмунун идеологиясынан баш тартканын Улуттук коопсуздук комитетинин (УКМК) басма сөз кызматы 20-февралда маалымдады.

Атайын кызмат алар буга чейин экстремисттик идеологияны активдүү жайылтып келишкенин билдирди.

“Өздөрү тандап алган диний багытынын туура эместигин моюнга алышып, жарандарды “Хизбут-Тахрир” диний-экстремисттик уюмунун мыйзамсыз чакырыктарына алданбоого чакырып, Кыргызстандын аймагында аталган уюмдун ишмердүүлүгүнө жол берилбестигин билдиришти”, - деп айтылат маалыматта.

Кыргызстан жыйырмага жакын уюмду деструктивдүү, экстремисттик жана террористтик уюм деп таанып, алардын ишмердигине тыюу салган.

Алардын катарында «Хизбут-Тахрир» да бар. Бул уюм соттун чечими менен диний-экстремисттик уюм катары 2003-жылы таанылган жана анын өлкө аймагында иш жүргүзүшүнө тыюу салынган. (TSh)

Facebook шеринеси

XS
SM
MD
LG